شريك Capital ERP الرسمي · +1200 عميل · 26 سنة خبرة
ادفع مرة واحدة. امتلك نظامك للأبد.
نظام ERP متكامل مبني للسوق المصري — متوافق مع مصلحة الضرائب من أول يوم، والتحديثات فورية مع أي تعديل قانوني.
مقدم من ECPA شريك Capital ERP الرسمي — محاسبون قانونيون بيطبّقوا النظام ويفضلوا معاك بعد التشغيل.
ليه الـ ERP اللي بتدفع فيه كل شهر مش حل دائم؟
معظم برامج الـ ERP في السوق اتصممت في أمريكا أو أوروبا. لما بتيجي تفعلها في مصر، بيحصل 4 حاجات:
تكلفة مضاعفة على المدى البعيد
بتدفع اشتراك شهري أو سنوي طول عمر الشركة. لو حسبت 5 سنين، التكلفة بتبقى ضعف اللي كنت ممكن تدفعه مرة واحدة.
تخصيص مكلف وبطيء
البرنامج اتبنى لقوانين دولة تانية. لازم تخصص وتعدل علشان يشتغل مع مصلحة الضرائب المصرية — والتخصيص ده بياخد شهور وبيكلف زيادة.
الفاتورة الإلكترونية Add-On منفصل
الفاتورة الإلكترونية والإيصال الإلكتروني محتاجين Add-On أو تكامل خارجي. مش جزء من النظام الأصلي.
تحديثات قانونية متأخرة
لما المصلحة تعدل قانون، بتفضل مستني الشركة الأم في أمريكا تطلع تحديث — بتاخد شهور وأنت ملتزم بميعاد التقديم.
مقارنة: Capital ERP والأنظمة الأجنبية
الفرق الحقيقي في الأرقام والتفاصيل
| Capital ERP | الأنظمة الأجنبية | |
|---|---|---|
| طريقة الدفع | اشتراك مرة واحدة، بتمتلكه للأبد | اشتراك شهري أو سنوي مدى الحياة |
| التوافق مع الضرائب المصرية | مدمج من الأساس | بيحتاج تخصيص وإعدادات إضافية |
| الفاتورة والإيصال الإلكتروني | جاهزين ومدمجين | Add-On أو تكامل خارجي |
| سرعة التحديث مع تعديل القانون | فوري — فريق محلي في القاهرة | شهور — بينتظر الشركة الأم |
| الواجهة | عربي 100% | الأصل إنجليزي، ترجمة جزئية |
| الدعم الفني | فريق مصري بيتكلم لغتك | دعم دولي أو شركة وسيطة |
| التخصيص لطبيعة شغلك | كامل — فريق ECPA بيظبطه على شركتك | محدود حسب إمكانيات النظام |
| التكلفة بعد 5 سنين | اللي دفعته اليوم الأول فقط | بتدفع كل سنة بدون توقف |
طريقة الدفع
التوافق مع الضرائب المصرية
الفاتورة والإيصال الإلكتروني
سرعة التحديث مع تعديل القانون
الواجهة
الدعم الفني
التخصيص لطبيعة شغلك
التكلفة بعد 5 سنين
اشتراك مدى الحياة
ادفع التكلفة مرة واحدة بس وامتلك النظام بالكامل. مفيش رسوم سنوية، مفيش Per User بتكبر مع شركتك، ومفيش مفاجآت في فاتورة كل شهر.
مبني للسوق المصري
ضريبة القيمة المضافة، خصم المنبع، الإقرارات السنوية، الأجور والتأمينات، الفاتورة الإلكترونية والإيصال الإلكتروني — كلها مدمجة جوه النظام. مش add-ons بتحتاج تخصصها.
بيتحدث مع كل تعديل قانوني
لما المصلحة تطلع تعديل جديد، فريقنا في القاهرة بيحدث النظام علطول. مش بنستنى الشركة الأم في أوروبا تعمل باتش بعد 6 شهور — إحنا اللي بنطور النظام.
نظام واحد، كل أقسام شركتك
8 modules مدمجين في قاعدة بيانات واحدة
المحاسبة العامة
قيود يومية، دفتر أستاذ، تقارير مالية لحظية، ميزانية وقائمة دخل.
المخازن
متابعة الأصناف، الجرد الفعلي، حركة دخول وخروج، نقاط إعادة الطلب.
المبيعات والمشتريات
عروض أسعار، أوامر شراء وبيع، فواتير، حسابات العملاء والموردين.
الأجور وشؤون الموظفين
كشف الرواتب، التأمينات، الضرائب على المرتبات، الإجازات والحضور.
الفاتورة الإلكترونية
ربط مباشر مع منظومة مصلحة الضرائب، رفع تلقائي للفواتير.
الإيصال الإلكتروني
متوافق مع آخر تحديثات منظومة الإيصال.
تقارير لحظية
قائمة دخل، مركز مالي، تدفقات نقدية في أي وقت.
صلاحيات وأمان
كل موظف بيشوف اللي يخصه بس، مع سجل كامل لكل عملية.
ليه ECPA بتفرق عن أي شركة سوفت وير
إحنا محاسبين قانونيين قبل لما نكون شركة سوفت وير.
لما بنفعللك Capital، الفريق اللي بيشتغل معاك مش مبرمجين بس. ده فريق محاسبين قانونيين عندهم 26 سنة في السوق المصري.
- بنفهم المحاسبة قبل ما نفهم البرمجة — النظام بيتظبط على طبيعة شغلك مش العكس.
- بنعرف القوانين قبل ما تتطلع — عملاؤنا بيكونوا جاهزين قبل أي تعديل ضريبي.
- بنفضل معاك بعد التشغيل — مش بنختفي بعد الـ Go-Live زي شركات السوفت وير العادية.
من الاجتماع الأول للـ Go-Live في 4 إلى 8 أسابيع
خطوات واضحة من أول يوم لآخر يوم
اجتماع تعريفي
بنفهم طبيعة شغلك، الأقسام، عدد الموظفين، والمشاكل اللي بتواجهك.
التخصيص
بنظبط Capital على شركتك — الحسابات، المخازن، الصلاحيات، والتقارير اللي محتاجها.
التفعيل والإعداد
بنفعله على السيرفر أو سحابي حسب اختيارك، ونربطه بمنظومة الفاتورة الإلكترونية.
تدريب الفريق
جلسات عملية لكل قسم على المهام اللي بيعملها يومياً.
التشغيل والدعم
بنفضل معاك بعد Go-Live بدعم فني مستمر من فريق محاسبين.
أسئلة شائعة
يعني فعلاً اشتراك مدى الحياة؟ مفيش رسوم خفية؟
+
أيوه فعلاً. بتدفع تكلفة الترخيص مرة واحدة وبتمتلك النظام. الرسوم الإضافية الوحيدة هي لو احتجت تدريب جديد لموظفين جداد، أو تخصيصات إضافية مع نمو الشركة، أو دعم فني سنوي اختياري.
التحديثات بفلوس؟
+
تحديثات النظام والقوانين الضريبية والامتثال مع تعديلات مصلحة الضرائب، كلها مجانية ضمن الترخيص.
ينفع سحابي ولا لازم سيرفر؟
+
الاتنين متاحين. ممكن نفعله على السيرفر بتاع شركتك، أو ندي لك نسخة سحابية تشتغل من أي مكان.
شركتي صغيرة، Capital هيكون كبير علي؟
+
Capital مرن في حجم التفعيل. بنفعل الموديول اللي محتاجها بس، وبتزود مع نمو الشركة. مفيش بلان ثابتة لازم تدفع فيها زيادة عشان فيتشر مش بتستخدمه.
إيه لو فريقي رافض النظام الجديد؟
+
ده أكتر سؤال بنسمعه. علشان كده التدريب جزء أساسي من التفعيل، مش إضافة. وبنفضل معاكم في أول شهور التشغيل عشان نطمن إن كل واحد في الفريق اتعود على النظام.
لو عندي Excel أو نظام قديم، البيانات هتروح؟
+
لأ. بننقل البيانات الموجودة عندك (شجرة الحسابات، الأرصدة الافتتاحية، العملاء، الموردين، المخازن) لـ Capital قبل التشغيل.
التكلفة كام؟
+
التكلفة بتعتمد على حجم شركتك، عدد الـ modules، وعدد المستخدمين. احجز ديمو وبنعملك عرض سعر مفصل في نفس الجلسة.
شوف Capital بنفسك قبل ما تقرر
احجز ديمو مجاني مع فريقنا. هنوريك النظام بيشتغل ازاي على شركة في قطاعك، نجاوب على أي سؤال، ونديك عرض سعر مفصل في نفس الجلسة.
- الديمو 30 دقيقة وبدون أي التزام
- بنوريك النظام على شركة في قطاعك بالظبط
- عرض سعر مفصل في نفس الجلسة